Eb Key Alto Sax Midi G1 - C3 for Tuning

用Overture整左幾個 Midi File 黎 Tune音, 雖然個拍子機都有, 但係唔似Saxophone聲. 所以呢次音源係用Alto Sax. 由G1(即係唔洗按Octave既G) 到 C3 (即係Octave C). 仲有震音. 但係冇做半音.

試玩Soprano同 Kenny G Going Home

今日得閒認真玩下支Soprano, 新玩具當然更發燒, 揀左隻易吹既歌黎練. 一如以往都係會先背左個譜先順.
唔知點解個吹嘴要插到好入先o岩音, 試3號片吹唔響, 2.5吹得響但幾吃力, 轉吹2號, 嘩, 正, 好輕鬆, 吹住先玩下輕鬆下先啦.

課後雜感5

今年度既最後一堂, 好多人做節冇黎上堂, 係得我地幾個發燒友誓死都要上堂.
琴日聽任先生吹Saving all my love for you , 音色十分悠和, feeling好正, 聽得出係帶有感情既演繹, 好似聽緊專業樂手吹奏咁, 正!

到我試吹Nothing's gonna change my love for you 既 轉Key部份, 由 G key轉 Ab key, 原本之前屋企練都幾熟, 但係琴日因為要5:30am開工, 加上仍然傷風, 堂上吹時即刻遲鈍十倍.甩甩cut cut. 亞Sir仲叫我練埋Solo 果part, 其實我都練過, 不過去到Altissimo G 同 A 我吹唔到, 我真係唔知小林香織點可以用 Lebayle 8號嘴同3號片吹呢隻, 雖然我都好想練到, 但係要再苦練返十年八載先有機...

anyway, 下堂唔洗吹呢隻喇, 下堂到吹"我願意", 雖然十月之前已經開始練, 但係仍然好多問題/毛病, 想亞Sir比下意見, 雖然有同學話佢自己一早吹到, 畢竟每個人對所謂"吹到"既定義唔一樣, 我想仔細地修正一下吹出黎既feel啦, 由其是聽完任先生既演繹之後. 而且有好多同學都係順住黎學, 學過既咪一齊練多次囉, 希望各同學都達得到自己心目中既"吹到"啦.

至於餘下時間我會苦練第9,10堂交既樂曲,  希望練得切Solo部份啦. 個Solo好短, 但係對我黎講都幾難.

Online拍子機

平時好憎聽D電子拍子聲, 上網搵到個Online拍子機, 十分好用, 仲可以揀唔同樂器打拍子. 當堂有晒Feel!

1. Bestmetronome
2. Gieson online metronome
3. 人聲拍子機

開始撻得著喇.....

病毒開始慢慢減退, 近排冇乜練習冇乜發現, 只係可以吹吹水啦. 琴日開始執返支Sax練習喇, 試下背Nothing's gonna change my love for you 啦. 又試下我願意跟音樂吹. 又試左一兩句小鎮姑娘啦, 再睇下之前打既譜有冇野可以執一執啦,

Heaaa爆的小休

離開下一節上堂有兩個禮拜既break, 休息左成個禮拜冇掂過支saxohone , 上次上完堂都未抹, 唔知有冇發毛.
呢一週係"那些年"週,  自從睇左個MV後, 走去買左小說睇, 到星期日睇左套戲, 再走去買埋九把刀另外兩本相關作品 "月老" , "這些年, 二哥哥很想你", "後青春期的詩" , .

整體來說, 我覺得那些年既電影同小說好唔同,  各有各好啦, 主要意義都係九把刀想借小說電影黎填補當年遺憾既罪疚感.

課後雜感4

Level 1十堂完結, 睇返呢十堂, 一路以黎, 老師都一路會比D小功課小目標我地逐步練, 由其係吸氣原理, overtone練習, 無名指練習, Scale既上落,  拍子同音符既解讀, 好多意見都好有用.  班制堂既另一個好處係可以識到D同學可以一齊吹下水交流下之外, 仲可以聽下其他人問既野, 睇下可唔可以轉化為自己既答案.

聽編樂譜更新4: 孩子氣

繼續 "那些年," 插曲
加入: 孩子氣v1.1_C  , 去聽編樂譜主頁

看到當年教室窗口前的你和我　像月亮在黑夜起不了光合作用

若不是Cupid錯射蘋果在你胸口　來時的路會多麼不同

每次交換考卷和你曖昧的交流　多少排列組合只想坐在你身後
若不是當時我們都有一點懵懂　現在的我會多麼不同

聽編樂譜更新3: 那些年

套戲星期日先睇, 不過睇左MV已經好有感觸.

加入: 那些年v1.9_G.pdf , 更正之前 v1.3有幾個錯既note, 去 聽編樂譜主頁 睇.

又回到最初的起點
記憶中妳青澀的臉
我們終於來到了這一天

桌墊下的老照片
無數回憶連結
今天男孩要赴女孩最後的約

聽編樂譜更新2: Close to you

加入 Close to you.
呢個譜個拍子係唔岩的, 参考下就算喇.....
Close to you G Major v1.3


去 聽編樂譜主頁

課後雜感3

今日終於到左同學們行出黎吹歌仔既時間, 我期待左呢日好耐, 雖然課室內只有十數人, 但係可以預計到呢次會係咁多次交功課之中, 現場壓力最大既一次, 有被虐狂既我, 當然好期望想知道自己有幾多抗壓能力,

另一個版本的小林香織Nothing's gonna change my love for you

佢之前去台灣宣傳, 即場又吹Nothing's gonna change my love for you, 呢個版本同2006演唱版唔同, 同埋個key都有D唔同. 應該係改左 F# Major.

聽編樂譜更新1 加入暗戀你

加入 張學友的 "暗戀你" 到自制樂譜主頁.

去  聽編樂譜主頁

課後雜感2

琴晚上堂練"遇見", 開頭 C A C G , 第3個音C 連去第4個音G我經常接得唔靚, 要中間輕輕掂一下竹片先接得好, 可能我三隻手指落得唔齊.  另外要o係前奏音樂停左9拍先入真係好易數錯, 如果要練呢隻歌, 真係要聽住音樂黎練先得.

練習與發現5: Office內的練習

大部份人都係要日頭返工, 夜晚或者放假先可以練習, 但係其實作為初學者, 有好多不同既項目可以練習, 有D練習係唔洗揸住支Sax, 咁就可以運用平時搭車或者o係Office heaaaaa既時間做, 但實際可以做D乜呢? 我會.....

練習與發現4: 上門牙同左手指公太用力

上次講話可能係上門牙引至, 因為反射動作既關係, 上門牙一用大力, 下顎就自然向上咬, 所以練習時要心情放鬆D.

課後雜感1

由於上個禮拜打風, 多左時間練習, 琴晚再上堂吹功課都還可以, 不過仍然受音準及嘴形問題困擾, 明明個G平時練習吹都準, 一到堂上吹又高左....
另外既問題係D5同E5成日高左,  亞Sir的確係深資導師, 一問之下即刻明白個問題, 仲即刻教左點控制牙較位調音, 不過我未練到呀, 呢個技巧好鬼難掌握得準呀 .......

好書簡介, The Art Of Saxophone Playing

今日行通利, 買左本頂級好書, The Art Of Saxophone Playing by Larry Teal, 呢本書o係Sax on the Web好多人推介, 今日買黎睇下, 嘩, 真係十分正!

 書內仔細描述Saxophone既每一部份, 由姿勢, 動作, 指法, 竹片及吹嘴講解得十分詳細. 當中更有8頁圖文詳解 Embouchure, 有埋圖話你知點樣係唔岩,  對於仍然為嘴形苦惱既我真係岩晒, 仲有圖文並荗講吐音o係口內應該係點. 仲有好多advance一D既教學, 呢本書真係十分之有用既天書.....

練習與發現3: 頸繩高低既影響

頸繩高低唔岩,除左因為右手指一路要用力逗住支Saxophone, 而令人右手指公痛之外, 發現原來.......

練習與發現2: 吹嘴練習

之前長音練習既發現係啟發自以下呢條link
http://www.saxontheweb.net/Learning/tone_production.html


文中有個for Alto 既 Midi file , 係吹嘴練習中如果用氣同口形正確就會出 A音, (以平常Tuner係出A. 如果用iPhone既ClearTune Set左Eb, 咁呢個音係F#).


當時就係冇睇Tuner, 就咁播住聽住個Midi File黎吹個Mouthpiece, 再調節自己既嘴形高低鬆緊去Match呢個音. 練左一段時間, 就發現個腦記左個音....

練習與發現1: 長音練習背後的意義

練左兩個月, 之前一路都係亂咁練, 上個星期開始將練習系統化,  以一個鐘為例,
頭10分鐘, 齋揸住個吹嘴練習,
之後20分鐘, 齋練各個長音, 暫時仍然係以練C Major既note為主.
呌幾分鐘,
吹功課或自己想練既歌.
系統化左之後, 發現既野多左.


例如練長音既背後意義
發現練長音既一個重要用途係令個音印入你個腦度.....

聽編樂譜主頁

從來未學過音樂及樂理, 但自從開始學Saxophone, 有時D流行曲搵極都搵唔到譜, 決定自己學下打譜啦, 上youtube搵首歌聽住黎寫, 用iPhone個Free Piano試音, 用Overture打譜, 第一個打既譜係"我和春天有個約會", 但係打得實在太肉酸喇, 拍子又唔岩, 又懶去執. 所以冇放出黎.
之後仲打左幾個, D樂譜雖然仲係十分肉酸狗屁不通, 但係都總算努力過, 都想放出黎分享一下.
如果有朋友Download過覺得有用, 請留個言比下意見啦!





今天我非常寂寞v1.1 C.pdf   應同學仔要求, Transcribe左呢隻鍾鎮濤既舊歌.........


Reality V1.1 D諗起以前Karaoke成日唱幾歌, Reality係其中一首好舒服既歌.　開始時係用C Major寫, 不過吹既時候覺得唔係好順手, 改左 D Major好似順手D...


Saving All My Love For You V1.0_G 係跟 YOUTUBE 個版本黎翻譯. 包括02:52  Solo部份, 呢個1.0版本未 fine tune.


Saving All My Love For You V1.1_G Swing 呢個版本係將拍子改左做Swing, 將1.0版內既3/4同1/4拍組合既音符改晒做半拍半拍, 即係swing既2/3同1/3拍.


Stand By Me V1.3_Bb Stand By Me V1.2_G  一隻簡單又溫暖既歌:  維他廣告歌: Stand By Me.


孩子氣v1.1_C.pdf 那些年,我們一起追的女孩-插曲


那些年v1.9_G.pdf 那些年,我們一起追的女孩.


Close to you G Major v1.3 呢個譜拍子唔岩的.


暗戀你v1.0.pdf

TheOneYouLove_v1.3.pdf

海誓山盟V1.2G.pdf

紀念日_v1.2.pdf

Do-Re-Mi 初初買左支Saxophone自學時, 用黎當Basic入門練下C Major係十分好的!

開張!

Blog呢樣野出現左十九幾年, 估唔到作為一個IT人到依家先開始用.
呢個Blog主要係記錄我練習Saxophone一路以黎既變化. 有時回顧自己既成長之路都係一種樂趣黎既.


其實想寫好耐, 不過一路都冇的起心肝做, 直至前兩日打風多左日假, 決定諗下點寫, 用邊個blog, o係唔o係Facebook定Twitter做? Yahoo定Google做?
最後決定左用Google既Blogger....一來一般blog既野佢有齊, 二來覺得Google一路develop落去會有好多好tools用, 三來.....因為........懶去開yahoo account...哈哈!