Heaaa爆的小休

離開下一節上堂有兩個禮拜既break, 休息左成個禮拜冇掂過支saxohone , 上次上完堂都未抹, 唔知有冇發毛.
呢一週係"那些年"週,  自從睇左個MV後, 走去買左小說睇, 到星期日睇左套戲, 再走去買埋九把刀另外兩本相關作品 "月老" , "這些年, 二哥哥很想你", "後青春期的詩" , .

整體來說, 我覺得那些年既電影同小說好唔同,  各有各好啦, 主要意義都係九把刀想借小說電影黎填補當年遺憾既罪疚感.


小說由於有成26章, 兩人相處既過程, 心態既變化形容得好仔細, 有趣既描述令情景o係你腦內搭起, 未睇過小說既朋友好值得買黎睇下. 你大概會鍾意小說情節多於電影.

電影可以令人將幻想實體化, 靚人靚景, 加上令人感動既歌曲同配樂, 可以帶起觀眾情緒, 填補小說中既幻想景像. 加上導演(九把刀自己)既編排令故事縮短至109分鐘都可以有頭有尾有笑有淚, 好難想像佢係第一次拍長片.

至於故事既詳細感想等套戲落畫先再講. 不過未睇既朋友建議你地唔好睇小說住, MV都唔好睇住, 睇完套戲先搵返呢D黎睇, 咁可以帶比你唔同層次既感動.


以往特別鍾意睇一D青春熱血, 校園故事 , 例如記得香蕉成熟時, High School Musical, 我的野蛮女友, 在世界中心呼喚愛, 諸如此類...   由其係安達充漫畫系列更加會時常返睇, Touch, Rough, H2更加係時常返睇.
從來睇故事我都好易投入故事角色, 情緒會受影響幾日至一兩個禮拜. 今次亦都唔例外.
今次呢個break正好比我放任地讓"那些年"入侵我既感性細胞, 摧殘我既心智. 等待"那些年"毒性慢慢減退, 我會再從拎起支saxophone再黎過.