頸繩高低唔岩,除左因為右手指一路要用力逗住支Saxophone, 而令人右手指公痛之外, 發現原來.......
之前頸繩較得唔夠高(但係自己以為已經夠高), 不自覺經常微微地Dup低左少少個頭就一就個吹嘴, 除左頸會痛之外, 仲影響左吹嘴插入個口既角度, 當你含住個吹嘴, 個頭一Dup低少少, 下唇就算唔用力, 都會因為角度傾斜而下唇壓到竹片, 令到D聲好緊.
我係做吹嘴練習時發覺, 我右手揸住吹嘴, 個頭上下郁時, 就會發現有D角度D聲特別蒙, 留意一下原來當個頭Dup低少少時, 下唇內部會壓住竹片. 出既風亦會少左.
有D角度又會特別易吹響, 出既風特別順, 一來冇壓住竹片, 二來吹嘴入風角度同你喉嚨口腔送風角度平衡, 所以特別易吹到F#. 只要係吹嘴練習時上下郁下隻手就一定會搵到最好既角度.
因為頸繩問題, 從而又令我發覺好多時越吹越緊, 奇怪地而又好可能係自己既上牙太大力引至.....
沒有留言:
發佈留言