練習與發現1: 長音練習背後的意義

練左兩個月, 之前一路都係亂咁練, 上個星期開始將練習系統化,  以一個鐘為例,
頭10分鐘, 齋揸住個吹嘴練習,
之後20分鐘, 齋練各個長音, 暫時仍然係以練C Major既note為主.
呌幾分鐘,
吹功課或自己想練既歌.
系統化左之後, 發現既野多左.


例如練長音既背後意義
發現練長音既一個重要用途係令個音印入你個腦度.....


當個腦認得個音, 你就會吹得出吹得準, 當一吹落去個音同個腦聽開個音唔一樣, 個人同個嘴就會不期然自動修正,
依家我最有印象既係G 同 F# . 因為吹嘴練習就係以吹準F#為目標.


以前練長音練得好散, 一路睇住個Tuner吹, 以為只係為左練口形練用氣,  眼見住個Tuner吹到中左綠色就以為到目標, 但係隻耳同個腦根本都冇留意同記住個音,


由依家開始我會嘗試記埋個音, 當然呢D能力係要經年年月月既練習先可以累積到.