練習與發現5: Office內的練習

大部份人都係要日頭返工, 夜晚或者放假先可以練習, 但係其實作為初學者, 有好多不同既項目可以練習, 有D練習係唔洗揸住支Sax, 咁就可以運用平時搭車或者o係Office heaaaaa既時間做, 但實際可以做D乜呢? 我會.....




1. 練指法: 揸住個水樽當揸住支Sax練Scale/工課/歌 , 記熟首歌既D手指位, 到有機會吹既時候就唔洗為記譜同手指而煩惱, 可以將D時間同注意力集中到吹氣同嘴形上.


2. 練用肚呼吸: 點練呢? 其實平時o係Office成日做, 尤其是三四點既時侯. 不過冇留意係乜姐. 就係.....打喊霧囉! 打喊霧時D氣就係吸入肚. 留意下打喊霧既時候通常搏頭都冇郁, 個肚又漲起. 所以....得閒打多D喊霧, 記住個感覺, 到吹既時候就會易D get到啦.


3. 記下譜同彈下譜: 平時睇功課譜, 如果齋睇其實好難上腦, 就算譯做CDEFGAB文字都唔入腦, 但係彈左個旋律出黎就好快入腦, 所以我會帶個headphone用iPhone個Piano free, 用一隻手指彈個音彈段Melody出黎, 聲音化左入腦咁就好好記.


4. 打下譜: 我會上youtube搵下歌, 聽下, 再用iPhone apps彈下試下音, 用Overture寫返出黎.


5. 當然依家多左項, 就係打下Blog啦, 為自己既練習做紀錄, 當諗內容既時候, 練習既細節又會重覆o係你腦內出現一次, 到時你又會發現一D平時發現唔到既野.