琴日參加左慈善音樂活動

o係Ensemble既團友安排參加左個慈善音樂活動, 玩既係其中三隻歌, 同一班人一齊玩感覺係好喜喜哈哈, 加上Tenor企最後排, 上台完全冇緊張感覺, 但係因為fly me to the moon未熟練, 都有吹錯少少, 哈, 好彩老婆話樓下聽唔清.  台下聽幾位之前師兄既Solo, 音色同技巧都好好, 唔知我幾時先可以練到咁呢?下次我都要玩下solo, 不過我吹黎吹去都係得幾首歌, 要練多幾首飲歌先得.
之前聖誕去過友人既餐廳solo左4首歌, 由於當時係第一次公開吹奏, 又有其他食客o係度, o個次就好緊張, 有左o個次既經驗, 今次上台反而幾輕鬆喎.

練習與發現6: 錯誤既拍子數法

由於底子差, 拍子差. 合奏成日都跟唔到大家既節奏. 搵亞sir補堂. 睇下追唔追得返SATB既各位師兄啦. Individual lesson既好處係我問好多低能野都冇人知唔怕尷尬.
問到we are onlye just begun 其中一個bar. 我成日入錯. 經一輪指點. 發現原來我一路都係習慣係前面個音幾時完, 之後數有幾多拍休子符再入,例如4拍一個bar. 第一拍有音符, 第二拍係休子符. 第三拍有音符, 我會諗吹完第一個音完左等一拍再吹第二個音.正路呱. 原來個諗法係唔正確既. 雖然結果好似一樣但係出發點唔同. 由其係有D吹第一個音拍半, 等兩個半拍, 第二拍半再吹果D會成日錯.
正確應該係數每個bar第幾拍要吹, 而唔係跟據前面幾時完先再數等幾耐黎入. 發覺自己真係好低能呀. 唔知亞Sir係咪知我之前就係咁諗. 特登強調呢樣野.不過依家知都算好彩. 叫做及早發現的低級錯誤啦!

修改Mouthpiece Stand.

o係日本城買既碟架 , 可以用黎做mouthpiece stand, 用黎放Tenor mouthpiece岩晒, 但係放Alto mouthpiece呢?

$23 既碟架

如果放Alto mouthpiece 會半天吊. 空間大概6mm.

今日行10蚊店, 買左卷貼門既膠條, 有雙面膠紙, 岩晒用黎加工, 厚度要買8mm以上. 

將佢剪成一格格,
如果想整好D,
可以剪個V字添

放上去就岩岩可以承起Alto 吹啃.

完成圖, 前面係有剪, 後面係冇剪.
材料足夠整多一Set.

試玩Kali同pressure plates, 我願意

近排忙緊幾單野少左時間練, 趁星期日得閒可以玩下隻新玩具Kali 7同玩下pressure plate, 吹半隻"我願意"當係試下
我覺得原裝alive Gold 已經幾正, Titanium好響好震, Silver柔和D滑D圓D咩? 但係錄起聽又唔多覺, 唔知係咪就咁用iPhone錄所以咁. 定係我撈亂左Silver同Steel plate呢?

Feb 16 update:
試晒, 今日試左確定左邊塊係Silver, D聲冇咁利,吹既時候感覺冇咁快Cut聲. 加左片.

Steel Plate

Titanium plate

Silver Plate

Silver Plate 小鎮姑娘-最後既 Solo 部份