課後雜感7

琴日又係初班Level 2 尾聲, 第9堂吹歌仔時間, 三個背譜類形人都有吹......
 大佬終於肯背下譜吹我願意, 音質雄厚幾正. 任生吹首本名曲Saving all my love for you, 仲加埋Solo添, 有形到暈.

由於我一向都係背譜類形人, 今次延續我癲喪玩野既性格, 係眾人吹慢歌既時候, 我揀左首快歌黎玩, 無他, 志在玩野. 上次Level 1尾堂吹時突然腦閉塞, 吹得十分衰, 今次冇咁緊張, 六百幾個note背晒可以完整吹晒, 當然有甩拍子同走音啦, 而且咀形比較緊左, 整段偏Sharp.  但係肯定既係跟音樂吹係易過冇音樂吹好多. 原本打算用鋼嘴吹, 但係我隻鋼咀比較暗未玩熟, 最後都用返一個較清既組合, S80-C* + FL Ultimate+ Woodstone 3#.
而眾多走音當中有句走得特別衰, 有句 E F A A F A  "B A"  , 呢句三段都有重覆, 三次最尾個A都走音. 無他, 主要係之前個 B 玩緊Bending, 到 A 時唔應該Bending但係個嘴仲玩緊收唔返, 所以次次都走得好怪雞. 不過冇所謂啦, 都係玩下試下姐, 咁樣吹段Solo都夠晒過癮啦. (自我陶醉中..)

之後亞Sir示範左幾首考試歌, 提及考試內容, 嘩, 廿幾年冇考過試, 突然有D那些年既感覺呀.... 又葵逗注錯da痴釘.....支意中ni千詩D靚.....


考試內容當中有個位我覺得幾難既, 唔係sight reading, 係考官比個譜寫個tempo, 例如寫116, 你要吹返116呢個速度...... 不過琴晚諗諗下又好似有解決方法喎.